WWW.DUSTLAR-PLUS.UCOZ.NET

Festival de theatre 2018

supermalchik1 — Sat, 14 Apr 2018 17:19:13 GMT

2018 йил 15-17 март кунлари Франциянинг Ўзбекистондаги элчихонаси, Ўзбекистон Республикаси Хаолқ таълими вазирлиги, Олий ва ўрта махсус таълим вазирлиги, Ўзбекистон давлат ёшлар театри, Тошкент француз алянси ҳамкорлигида Талабалар ва ўқувчилар франкофон театр ва ашула фестивали бўлиб ўтди.

Фестивалда олий ўқув юртлари талабалари, КХК ва лицей ўқувчилари, мактаб ўқувчи- ёшларидан иборат жами 34 та театр труппаси 3 кун давомида 10 та “Молйер” мукофоти учун беллашдилар.

Ушбу француз тили иҳлосмандлари ўртасида ўтказилган франкофон театр фестивалда Тошкент, Бухоро, Хоразм, Самарқанд, Қашқадарё, Андижон, Фарғоналик ёшлар қаторида Тошкент вилоятидан ягона жамоа, Бўстонлиқ туман 19-умумий ўрта таълим мактаби француз гуруҳлари ва тўгарак аъзоларидан ташкил топган театр труппаси ҳам муносиб иштирок этиб “Ҳакамлар ҳайътининг махсус мукофоти”, “Молйер” билан тақдирландилар.

Ташкилотчилар томонидан 10 та “Молйер” мукофоти тақдим этилди.

Ҳар бир туркум бўйича энг яхши актриса (3 та кичик Молйер)

Ҳар бир туркум бўйича энг яхши актёр (3 та кичик Молйер)

Энг яхши постановка (саҳна безаги, чироқ, мусиқа, либослар), (катта Молйер)

Энг яхши инсенировка (катта Молйер)

Энг яхши саҳна асари (катта Молйер)

Ҳакамлар ҳайътининг махсус мукофоти (катта Молйер).

Туманимиз, ҳамда Тошкент вилояти шаънини ҳимоя қилган театр труппаси ҳакамлар ҳайътида, томошабинларда катта тассурот қолдирди. Театр труппаси раҳбари Элёр Уккиев “Абадий ёшлик” мавзусида “Мен ёшман” номли ценарийси асосида спектакл саҳналаштирди. Шу билан бирга спектакл давомида “Менинг ёшлигим” номли қўшиқни жонли ижро этишди.

Ҳакамлар ҳайъти аъзолари 4 та Ҳалқаро франкофония ташкилотидан, Франциянинг Ўзбекистондаги элчихонасидан, Ўзбекистон давлат ёшлар театридан қўйилди. Барча саҳна кўринишлари француз тилида бўлиб ўтди ва ўқувчиларда чет тилини ўрганишга қизиқишлари, ҳусусан француз тили орқали илмга, француз адабиётларини мутолаа қилишга, саҳна маданиятига бўлган иштиёқлари ортди.

Бундан ташқари франкофон театр фестивали орқали француз тилида дунёнинг 5 та қитъасида мулоқот қилиш мумкинлиги намоён бўлди. Ўқувчилар француз тилини санъат ва маданиятга, дўстлик ва биродарликка чорловчи тил эканлигига яққол исбот бўлишди.

Мактаб жамоаси ўқувчиларини Республика театр фестивалида фаол иштироки учун табриклаймиз! Уларга ёрдам берган барчага миннатдорчилик билдирамиз!

5-6 май 2017 йил “Франкофон ўқувчи-ёшлар ва талабалар театр ва қўшиқ фестивали”

supermalchik1 — Wed, 31 May 2017 14:41:15 GMT

5-6 май кунлари Ўзбекистон Республикаси Халқ таълими вазирлиги, Олий ва ўрта-махсус таълим вазирлиги, Франциянинг Ўзбекистондаги Элчихонаси ва Ёш томошабинлар театри ҳамкорлигида француз тилини ўрганаётган ўқувчи-ёшлар, талабалар ва шу тил ихлосмандлари учун “Франкофон ўқувчи-ёшлар ва талабалар театр ва қўшиқ фестивали” ўтказилди.

Фестивалда Тошкент шаҳри, Хоразм, Бухоро, Андижон, Қашқадарё, Самарқанд, Тошкент вилоятлари таълим масканларининг 27 та театр труппаси, жами 220 дан ортиқ ўқувчи-ёшлар ва талабалар қатнашдилар.

Ушбу фестивалда Бўстонлиқ тумани 17, 19-сонли умумтаълим мактабларида француз тилини ўрганаётган ўқувчилардан иборат 2 та театр труппалари ҳам иштирок этишди.

17-сонли умумтаълим мактаби француз тили фани ўқитувчиси Ортиқжон Кенжабоева 7 та ўқувчисидан иборат театр труппаси билан Шарль Перронинг “Золушка” эртагини саҳналаштиришди. Ўқувчилар иштироки барчада катта тассурот қолдирди.

19-сонли умумтаълим мактаби француз тили фани ўқитувчиси Элёр Уккиев эса мактабда ташкил этган “Эшит, мен француз тилида гапираман!” номли француз тили тўгараги аъзолари билан “Нанунинг туғилган куни” номли ўзлари тузган сценарий асосида саҳна кўриниши намойиш этишди. Бу саҳна кўринишини томошабинлар илиқ қарши олишди.

Театр ва қўшиқ фестивали якунида Франциянинг Ўзбекистондаги элчиси Виолен де Вильмор, элчихона тил таълими ҳамкорлиги атташеси Фредерик Вийом, Ёш томошабинлар театри актёри ва режиссёри Обид Абдураҳмоновлар театр труппаларини 10 та номинация асосида “Молйер соврини” билан тақдирлашдилар.

Туманимизнинг 19-сонли умумтаълим мактаби театр труппасининг “Нанунинг туғилган куни” номли саҳна кўриниши хакамлар хайъти аъзолари томонидан юқори баҳоланди ва “Энг яхши ўғил бола рол ижроси” номинацияси бўйича 2 та ўқувчи, Рихсимов Шахриддин ва Тўлқинов Шоҳруҳлар “Молйер соврини” билан тақдирландилар.

“Франкофон ўқувчи-ёшлар ва талабалар театр ва қўшиқ фестивали” ўтган йилгидан кўра янада юқори савияда, бир-биридан қизиқ саҳна кўринишларига бой тарзда, иштирокчилар сони ҳам 2 баробар кўпайгани билан фарқ қилди.

Ташкилотчилар барча иштирок этган ўқувчи- ёшлар, талабалар ва ўқитувчи- мураббийларга, таълим маскани маъмуриятига ўз миннатдорчиликларини билдирди.

Театр ва қўшиқ фестивали барчада катта тассурот қолдирди.

19-сонли умумтаълим мактаби француз тили тўгараги аъзоси Лайло Олимова

Адилова Холисхоннинг француз тилидаги илк шеъри.

supermalchik1 — Sat, 01 Apr 2017 16:44:46 GMT

Тошкент вилояти Бўстонлиқ тумани 19-соли умумтаълим мактаби

Француз тили тўгараги аъзоси Адилова Холисхоннинг француз тилидаги илк шеъри.

“Bonne santé, mon cher!”

Je me lève de bonheur .

Je salue à ma soeur !

Bonjour mon père, bonjour ma mère !

Bonne santé, mon cher !

Je vous dis bonjour !

Salut, ça va chaque jour .

Je vous souhaite de bonheur !

Bonne santé, mon cher !

Ўзбекча варианти (Француз тили тўгараги аъзоси Эргешова Зарина)

“Соғ бўлинг, меҳрибон!”

Эрта тонгдан тураман,

Ассалом опажон!

Ассалом адажон, ойижон!

Соғ бўлинг, меҳрибон!

Мен сизга дейман, ассалом!

Салом, яхшимисиз, ҳар қачон!

Тилайман сизга бахт ҳар он!

Соғ бўлинг, меҳрибон!

1 er avril. Dans notre école...

supermalchik1 — Sat, 01 Apr 2017 16:35:04 GMT

1^er avril. Dans notre école...

Le 1^er avril, c’est le “poisson d’avril”. Une tradition amusante. Ce jour là les français accrochent le poisson en papier sur le dos l’un à l’autre pour plaisanter. Et quand la victime découvre on dit: “poisson d’avril”.

Nous aimons beaucoup de cette tradition !!!

Semaine de la langue francaise-2017 (13-19 mars)

supermalchik1 — Fri, 31 Mar 2017 03:48:23 GMT

Ўзбекистон Республикаси Халқ таълими вазирлиги 2017 йил 6 январдаги 3-сонли буйруғи асосида 19-сонли умумтаълим мактабида умумтаълим мактабл

supermalchik1 — Fri, 31 Mar 2017 03:32:49 GMT

Ўзбекистон Республикаси Халқ таълими вазирлиги 2017 йил 6 январдаги 3-сонли буйруғи асосида 19-сонли умумтаълим мактабида умумтаълим мактабларининг 5-синфи учун яратилган француз тили дарслик мажмуаси тажриба-синовдан ўтказилди.

Ушбу дарслик номи “Je parle français” яъни “Мен француз тилида гапираман” бўлиб, бунга қўшимча мультимедия иловалари ҳам мавжуд.

Ҳафтада 3 соат қўшимча тарзда олиб борилаётган тажриба- синов дарсларида 5-син ўқувчилари ўтилаётган ҳар бир дарс учун ўз фикр- мулоҳазаларини сўровномалар тўлдириш орқали беришмоқда.

Фан ўқитувчиси Э.Уккиев томонидан дарсликда берилган мавзулар, машқлар, расмлар, ўқитувчи китобидаги ўргатиш методлари, қўшиқлар, ўйинлар ва мультимедия иловаларининг ўқувчилар ёшига мослиги, мавзуларнинг бир- бирига боғлиқлиги, дарслик дизайни, ўқувчиларни мулоқот қилишга йўналтирилганлиги кабилар ҳақида хулосалар берилмоқда.

Ҳозирги кунда ўқувчилар дарсликнинг 1- бўлимини якуний мавзулари бўйича машғулотлар олиб боришмоқда.

Ўқувчиларда дарсликнинг тинглаб тушуниш компетенцияларини ривожлантиришга йўналтирилган “Эшит ва топ!”, “Ким гапираяпти?”, ўқиб ва тинглаб тушуниш бўйича берилган фан ва техникага оид янги маълумотлар, ёзиш компетенцияларини ривожлантирувчи “Гапларни тўлдиринг!”, “Гапларни ўз ўрнига қўйинг!” каби машқлар ва мулътимедия иловасидаги дарслик бош қаҳрамонлари Анвар, Лэя, Марк ва Умидаларнинг фаолияти, қизиқишлари ҳақидаги аудио материаллар жуда юқори қизиқиш билан қабул қилинмоқда.

Бундан ташқари экспериментатор- ўқитувчи томонидан мавзуларни янада қизиқарли олиб борилиши мақсадида ўқувчилар билан гуруҳларда ишлаш, диалогларда оғзаки савол-жавоблар, “Кимлигини топ!”, “Карусел”, “Арши гапиради”, “4 та расм ва бир яширин сўз” каби ўйин ва методлардан фойдаланилмоқда.

Тажриба- синов дарсларидан сўнг ўқувчилар билан иш олиб бориш қўшимча материаллар асосида давом эттирилмоқда.

Француз тили тўгараги аъзолар: Адилова Холисхон, Олимова Лайло, Рисқимов Шахриддин ва Йўлдошева Азизалар

O’zbekisiston Respublikasi Xalq ta’limi vazirligi 2017-yil 6-yanvardagi 3-sonli buyrug’i asosida Toshkent viloyati Bo’stonliq tumani 19-sonli umumta’lim maktabida “Umumta’lim maktablarining 5-sinfi uchun yaratilgan fransuz tili darslik majmualarini tajriba-sinovdan o’tkazish” darslarida ishtirok etgan 5-sinf o’quvchilari ro’yhati.

Abdumo’minova Diyora
Nazimov Shahboz
Nishonboyev Ikromjon
Nozimov Mamur
Olimov Azamat
Olimova Zahro
To’ychiyeva Sabrina
Usmonova Lobar
Usomova Aziza
O’skanova Shohsanam

Eksperimentator- o’qituvchi: Ukkiyev Elyor

“Чет тили фани дарсларида ўқувчиларни ўйинлар орқали тил ўрганишга қизиқтириш”

supermalchik1 — Fri, 31 Mar 2017 03:11:53 GMT

“Чет тили фани дарсларида ўқувчиларни ўйинлар орқали тил ўрганишга қизиқтириш”

2012 йил 10 декабрда “Чет тилларни ўрганиш тизимини янада такомиллаштириш чора- тадбирлари” тўғрисида ПҚ-1875 қарори қабул қилингандан сўнг юртимизда чет тилларни ўрганиш нафақат таълим масканларида, балки оилаларда ҳам катта қизиқиш ўйғотди. Бу эса тил ўрганиш йўлидаги яна бир олға қадамдир.

Мамлакатимиз таълим масканларида ўқувчи- ёшлар 1-синфдан бошлаб инглиз, француз, немис, корейс, испан ва бошқа тилларни ўрганишмоқда. Уларнинг чет тилларни ўрганишлари учун таълим масканларида барча замонавий техник воситалар, кўргазма қуроллар, ўқув дарсликлари, ўқувчи дафтарлари каби шарт- шароитлар яратилиб берилган.

Ушбу имкониятлардан унумли фойдаланиш, ўз устида доимий ишлаш, ўқувчи- ёшларга малакали билим бериш йўлида биз ўқитувчилар ҳам янада кўпроқ, изланишимиз, янги метод ва усулардан фойдаланишимиз, самарали билим бериш йўлида тинмай ҳаракат қилишимиз керак.

Юқоридаги фикрларим исботи тариқасида чет тили дарсларида юқори натижага эришиш, ўқувчиларни тил ўрганишга янада кўпроқ қизиқтириш, таълим сифатини янада ошириш мақсадида, навбатдаги бир неча янги ўйинлар таклиф қилмоқсиман.

Аввалам бор айтиш жоизки, чет тили дарсларида ўйинлар асосан ўқувчиларни бир- бирлари билан янада яқинроқ танишиш, гуруҳларда биргаликда, дўстона ишлаш, уларни тил ўрганишга қизиқтириш, машқлар оралиғида чарчоқни қолдириш, иштиёқларини ошириш ва дарс давомида янада ташаббускор, ҳаракатчан, фаол иштирок этишлари учун фойдаланилади.

1. “Exercices de corps” - “Тана машқлари” ўйини.

Бу ўйин номидан келиб чиққан ҳолда тана аъзоларини ўрганишга, шу мавзу юзасидан олинган билим ва кўникмаларни янада мустаҳкамлашга йўналтирилган бўлиб, ўқувчилар жуфтликларда иштирок этган ҳолда ўйинни олиб боради. Ўқитувчи томонидан қайси тана аъзоси ҳақида буйруқ берилса, ўқувчилар тезлик билан шу тана аъзоларини бир-бирига текказиши лозим. Масалан: “coude à coude”- “тирсакни тирсакка”, “tête à tête”- “бошни бошга”, “jambe à jambe”- “оёқни оёққа” каби буйруқлардан фойдаланиш мумкин. Бу ўйинда ўқувчиларнинг “тинглаб тушуниш”, “гапириш” компетенциялари ривожланади.

2.“Quatre photos et un mot caché”- “тўртта расм ва битта яширинган сўз”

Бу ўйинда ўқувчилар расмларга қараб яширинган сўзни топишлари лозим. Бу ўйин ўқувчиларни фикрлашга ундайди ва катта қизиқиш билан ўйнашади. Тил ўқитиш компетенцияларининг “ёзиш”, “гапириш” ва “ўқиш” бўлимларини ривожлантиради.

А Д Қ Б Ф Ў У Й И О Л Ю

Жавоб:

Берилган расмларнинг барчасида қўл тасвирланган.

Г Т Ў Е К З Ш М Б Ф Е Й К Э И Х С Ғ Т У О Н

Жавоб:

Т Ф В Л Р Б А Ў Н У Й Ц И О Я Ю

Жавоб:

3. “Apportez-moi...”- “Менга ... олиб кел” ўйини.

Бу ўйин гуруҳларда ишлаш учун жуда фойдали бўлиб, ўқитувчи ўқувчиларни икки гуруҳга бўлиб, сўнгра ўқинни бошлайди. Ўйин жуда кўп мавзуга мос келади. Ўйин шартига кўра биринчи гуруҳ аъзоларидан бири “Apportez-moi...”- яъни “Менга ... олиб кел” буйруғини беради иккинчи гуруҳдагилар эса шу нарсани олиб келиши лозим. Бу ўйинда иштирокчиларнинг “тинглаб тушуниш”, “гапириш” компетенциялари ривожланади.

Чет тили дарсларида бундай ўйинларни доимий ўтказиш ўқувчиларда тил ўрганишга бўлган қизиқишларни ўстиради. Шу ўринда мутаффаккир Фенелоннинг бир фикрини таъкидласак: “Болалар табиатан қизиқувчанликка мойилдирлар ва бу ҳолат таълимда жуда қўл келади, бундай имкониятни қўлдан бой берманг!”.

Ҳа, албатта болаларнинг қизиқишини тўғри аниқлаб, шу бўйича иш олиб бориш юқори самара беради.

Тошкент вилояти Бўстонлиқ тумани,

19-сонли умумтаълим мактаби

француз тили фани ўқитувчиси,

“Йилнинг энг яхши фан ўқитувчиси-2015”

кўрик- танлови вилоят босқичи ғолиби,

Уккиев Элёр

“Чет тили фани дарсларида янги ўйинлар ва уларнинг ўрни ”

supermalchik1 — Fri, 31 Mar 2017 03:10:44 GMT

“Чет тили фани дарсларида янги ўйинлар ва уларнинг ўрни ”

Барчамизга маълумки президентимиз И.А.Каримов ташаббуси билан мамлакатимизда Ўзбекистон Республикасининг “Таълим тўғрисида”ги қонуни, ҳамда Кадрлар тайёрлаш миллий дастурини амалга ошириш доирасида чет тилларга ўқитишнинг комплекс тизими, яъни уйғун камол топган, юксак савияли, ўқимишли, замонавий фикрловчи ёш авлодни шакллантиришга, республиканинг жаҳон ҳамжамиятида янада интеграциялашувига йўналтирилган тизим яратилди, ҳамда 2012 йил 10 декабрда “Чет тилларни ўрганиш тизимини янада такомиллаштириш” чора- тадбирлари тўғрисида қарор қабул қилинди. Ҳозирги кунга қадар ушбу қарор ижроси юзасидан мамлакатимиз таълим муассасаларида кўплаб чора- тадбирлар амалга оширилиб келинмоқда. Мамлакатимизнинг кўплаб ўқувчи- ёшлари 1-синфдан бошлаб инглиз, француз, немис ва бошқа тилларни ўрганишмоқда. Уларни чет тилларни ўрганишлари учун таълим масканларида барча замонавий техник воситалар, кўргазма қуроллар, ўқув дарсликлари, ўқувчи дафтарлари каби шарт- шароитлар яратилиб берилган.

Ушбу имкониятлардан унумли фойдаланиш, ўқувчи- ёшларга малакали билим бериш йўлида биз ўқитувчилар ҳам янада кўпроқ, самарали фаолият олиб боришга интилаяпмиз. Чет тили дарсларида юқори натижага эришиш, таълим сифатини янада ошириш ва ўқувчиларни тил ўрганишга бўлган қизиқишларини ошириш мақсадида, бир неча янги ўйинлар таклиф қилмоқсиман.

Авваламбор ўйин сўзи ҳақида айтсам: “ўйин” лотинча “jocus” сўзидан олинган бўлиб, “хазил” деган маънони билдиради. Ўйин ўқувчига якка ҳолда ва гуруҳ тарзида ўрганиш, билиш имконини беради.

Чет тили дарсларида эса, ўйинлар асосан ўқувчиларни бир- бирлари билан янада яқинроқ танишиш, гуруҳларда биргаликда, дўстона ишлаш, уларни фанга, тил ўрганишга қизиқтириш, машқлар оралиғида чарчоқни қолдириш, иштиёқларини ошириш ва дарс давомида янада ташаббускор, ҳаракатчан, фаол иштирок этишлари учун фойдаланилади.

1. “Trouvez les chiffres”- “Сонларни топинг!” ўйини.

Бу ўйин асосан бошланғич синф ўқувчилари учун йўналтирилган бўлиб, ўқувчилар 2, 3 кишилик гуруҳларда ишлайди ва яширилган сонларни топади. Топилган барча сонларни ўрганаётган тилида айтади. Ўқитувчидан эса, доимий тарзда изланиш, сонлар орқали тасвирланган янги расмлар тузиш талаб қилинади.

2. “Massage”- “Ўқалаш” ўйини.

Бу ўйин таъна аъзоларини ўргатиш учун жуда қулай бўлиб, ўқувчилар 2 кишилик жуфтликда ишлайди ва мавзу бўйича ўрганган билим ва кўникмаларини янада мустаҳкамлаш ва чуқурроқ эслаб қолиш имкониятига эга бўладилар. Ўқитувчи томонидан қайси таъна аъзоси ҳақида сўралса, тезда қўллари билан уқалайди. Бунда ўқувчилардан эслаб қолиш, эътибор, тезкорлик, зукколик ва албатта ҳаракатчанлик талаб қилинади. Яна бир самарали томони бу ўйинни ўқувчилар нафақат мактабда, балки оилада ота- онаси, бобо ва бувиси ёрдамида ҳам ўйнаши мумкин. Бу эса, ўз- ўзидан ўқувчи билимини мустаҳкамлашда катта самара беради.

3.“Les yeux fermés” – “Юмуқ кўзлар” ўйини.

Ушбу ўйин буйруқ сўзларни ўргатиш учун мослашган. Масалан: Ўнгга бурилинг! Тўғрига юринг! Чапга бурилинг! Тўхтанг! Орқага ўгирилинг! Олдинга юринг! ва бошқалар. Бир ўқувчининг кўзлари боғланади, иккинчи ўқувчи буйруқ сўзларни айтиш орқали ўқувчини белгиланган манзилгача олиб боради. Ўқувчиларда қизиқиш, ҳаракатчанлик, фаоллик, тезкорлик ошади ва ўйин давомида буйруқ сўзларни мукаммал эслаб қолиш имкони пайдо бўлади.

4. “Trouvez la paire”- “Жуфтини топ!” ўйини.

Бу ўйин юқори синфларда ўрганилаётган иборалар бўйича билим ва кўникмаларни мустаҳкамлашга йўналтирилган бўлиб, ўқувчиларга бирон- бир қути ёки шунга ўхшаш идишда иборалар ёзилган қоғозлар тарқатилади. Қоғозларда иборанинг фақат биринчи қисми ёзилади, ўқувчи эса, ўша иборанинг иккинчи қисми, яъни жуфтини топишга ҳаракат қилади. Масалан: “ҳурсанд ... “, “ боши ... ”

5. “Ce que j’aime chez...”- “Менга, сендаги … ёқади!” ўйини.

Бу ўйинда ўқувчилар бир- бирлари билан янада яқинроқ танишишлари, дўстона муносабатда бўлишлари, ўзаро фикр алмашишлари ва бир- бирларининг ижобий ҳусусиятларини ўрганишлари мумкин. Ўйин қоидаси жуда қулай бўлиб, ўқувчилар думалоқ шаклда жойлашади ва ўз қаршисида турган ўқувчининг қайси ҳусусияти ёқиши ҳақида айтади. Бу жараёнда ўқувчилар мавзулар юзасидан ўрганилган сифатларни мустаҳкамлайди ва улардан фикр билдириш давомида унумли фойдаланишади. Масалан: “Менга, сендаги ҳушмуомалалик ёқади!”, “Менга, сендаги фаоллик ёқади!”, “Менга, сендаги меҳнаткашлик ёқади!”

Чет тили дарсларида янги ўйинлар ҳақида гапирганда адабиёт йўналиши бўйича Нобел мукофоти совриндори Пабло Неруданинг қуйидаги фикрини эсласак: “Агар бола ўйнамаса у қизиқишдан, интилишдан тўхтайди, лекин киши ўйнамаса у атрофидаги болани юқотиб қўяди”.

Ҳа, ўйин бу- боланинг ҳаёти, фаолияти ва албатта қизиқишидир!

Тошкент вилояти Бўстонлиқ тумани,

19-сонли умумтаълим мактаби

француз тили фани ўқитувчиси,

“Йилнинг энг яхши фан ўқитувчиси-2015”

кўрик- танлови Тошкент вилояти босқичи ғолиби,

Уккиев Элёр

Fête de la Francophonie. 16.03.2017

supermalchik1 — Tue, 21 Mar 2017 04:28:39 GMT

Concours de clip-vidéo. 2ème Prix Ecole numéro 19. "le français c'est la langue de l'amitié"

“Яна француз тилида ҳам гапираман!”

Франкофония фестивали-2017

2012 йил 10 декабрда “Чет тилларни ўрганиш тизимини янада такомиллаштириш” чора- тадбирлари тўғрисида қарор қабул қилингандан сўнг мамлакатимиз таълим муассасаларида чет тилларни ўрганиш бўйича кўплаб чора- тадбирлар амалга оширилиб келинмоқда.

Шу билан бирга мамлакатимизда фаолият олиб бораётган чет эл мамлакатлари элчихоналари ҳам самарали ишларни амалга оширмоқда.

Ўқувчиларни тил ўрганишлари ва қизиқишларини ошириш, уларга қўшимча имкониятлар яратиш, оғзаки, ёзма нутқларини бойитиш мақчадида Франция, Швейцария, Украина, Миср, Руминия, Польша, Чехиянинг Ўзбекистондаги элчихоналари, Ўзбекистон Республикаси Халқ таълими вазирлиги, Олий ва ўрта-махсус таълим вазирлиги, Ўзбекистон Миллий университети билан ҳамкорликда мактаб, коллеж ва лицей ўқувчилари, талабалар ҳамда ўқитувчилар, француз тили ишқибозлари учун Ҳалқаро Франкофония ташкилоти фестивали кунлари доирасида феврал, март ойларида қуйидаги танловларни ўтказди. “Яна, француз тилида ҳам гапираман!” фото танлов, “Франкофония савол-жавоблари”, “Театр ва қўшиқ фестивали учун афиша” танлови, “Яна, француз тилида ҳам гапираман! Ўзбекистонда француз тилини ўрганувчилар учун видеоклип”ва бошқалар.

Республика миқёсида бўлиб ўтган ушбу танловларда жуда кўплаб француз тили ишқибозлари, тил ўрганувчи ёшлар, талабалар, ўқитувчилар иштирок этишдилар.

2017 йил 16 март куни Ўзбекистон Миллий университети физика факултетида танловларнинг тақдирлаш маросими бўлиб ўтди.

Ушбу ажойиб ташкил этилган маросимда юртимизда фаолият олиб бораётган ва франкофония ташкилотига аъзо, ҳамда кузатувчи мамлакатларнинг 10 га яқин элчихонаси вакиллари иштирок этишди. Тақдимот маросимида Ўзбекистон Миллий университети ректори, Франциянинг Ўзбекистондаги элчиси ва яна кўплаб элчихоналар вакиллари барчани Франкофония ҳамда “Наврўз” байрамлари билан табриклашди. Барча иштирокчиларга омадлар тилаш билан биргаликда ўзбек, француз, рус тилларида ёшларни тил ўрганишга чорловчи, она юртини севишни ўргатувчи, дўстлик, миллатлараро тенглик, бағрикенглик ғояларини мадҳ этувчи, ёшларни ижодкорликка ундовчи фикрларни айтишдилар.

Тақдимот маросимида кўплаб иштирокчилар қаторида Тошкент вилояти Бўстонлиқ тумани 19-сонли умумтаълим мактаби француз тили фани ўқитувчиси Элёр Уккиев ва ўқувчилари қатнашдилар.

“Яна, француз тилида ҳам гапираман! Ўзбекистонда француз тилини ўрганувчилар учун видеоклип” танловида 8-“А” синф ўқувчиси Йўлдошева Азиза, 7-“Б” синф ўқувчилари Омонов Шаҳриёр ва Рисқимов Жаҳонгирлар бош ролда иштирок этган “Француз тили бу дўстлик тилидир!” деб номланган видеоклип 2-ўрин соҳиби бўлди.

Франциянинг Ўзбекистондаги элчихонаси томонидан танлов сертификати ва эсталик совғалари билан тақдирланишди.

Франциянинг Ўзбекистондаги элчихонаси вакиллари, ташкилотчилар ва тил ҳамкорлиги атташеси Фредерик Виём хоним Э.Уккиев ва барча ўқувчиларга ўз миннатдорчилигини билдирди.

19-сонли умумтаълим мактаби 8-“Б” синф ўқувчиси

“Ҳа, мен француз тилида гапираман!” номли тўгарак аъзоси

Эргашева Зарина

Grand concours-2017

supermalchik1 — Sat, 18 Feb 2017 11:03:57 GMT

Concours de virelangue. Concours d'affiche. Concours de photo. Concours de dialogue. Concours de chanson. Concours de carte-postale. Concours de slogan. Concours de poésie. "Dictée d'Archibald". "Dis moi dix mots". "Coucou". "Chuchomat".